Ceredigion Rhwydwaith 14-19 Network

Gwybodaeth, Cyngor ac Arweiniad Gyrfaoedd

Beth mae gwybodaeth, cyngor ac arweiniad gyrfaoedd yn gynnwys:

Mae Llwybrau Dysgu yn golygu y bydd gan yr holl ddysgwyr hawl i dderbyn gwybodaeth, cyngor ac arweiniad gyrfaoedd arbenigol a diduedd. Bydd hyn yn cael ei ddarparu gan Ymgynghorwyr Gyrfaoedd arbenigol. Bydd yn cael ei ddosbarthu drwy gwmnïoedd Gyrfa Cymru ledled Cymru a Gyrfa Cymru Ar-lein. Yn ogystal, bydd dysgwyr yn yr ysgol a’r coleg yn derbyn addysg ac arweiniad gyrfaoedd yn eu man dysgu.

Cyngor gyrfaoedd arbenigol

Mae gan Ymgynghorwyr Gyrfa Cymru gyfrifoldeb i ddarparu dysgwyr gyda chyngor arbenigol ar ystod eang o opsiynau gyrfaoedd a dysgu; i weithio gyda phobl ifanc i ddarparu cyngor ac arweiniad ar ddewisiadau gyrfa.

Gweithio gyda Anogwyr Dysgu

Bydd Ymgynghorwyr Dysgu angen gweithio’n agos gyda Anogwyr Dysgu i sicrhau fod dysgwyr yn manteisio o sgiliau arbenigol, gwybodaeth a phrofiad penodol pob un o’r bobl broffesiynol sydd yn cymryd rhan. Bydd yn bwysig i’r Ymgynghorwyr Gyrfaoedd fedru tywys pobl ifanc tuag at y gefnogaeth berthnasol ble fo angen.

Gyrfa Cymru Ar-lein

Gall dysgwyr gael mynediad i amrediad eang o wybodaeth ar-lein, ynghyd ag opsiwn ar gyfer eu gwe-ofod eu hun i gynnwys CV a gwybodaeth arall.

Yn ogystal, bydd Gyrfa Cymru:

Yn sefydlu, datblygu ymhellach a chynnal perthnasau gwaith agos rhwng Ymgynghorwyr Gyrfaoedd a’r Anogwr Dysgu a darparwyr cefnogaeth bersonol i sicrhau fod y dysgwr unigol yn cael y fantais orau;

Yn gweithio’n agos gyda’r Anogwr Dysgu dynodedig i sicrhau dealltwriaeth am Lwybrau Dysgu unigol, dulliau dysgu a galluoedd a diddordebau’r person ifanc unigol;

Yn gallu cyfeirio person ifanc, gyda’i ganiatâd ef/chaniatâd hi, i gael cefnogaeth bersonol;